جانے کیا سوچ کے اس نے ستم ایجاد کیا

جانے کیا سوچ کے اس نے ستم ایجاد کیا

خود بھی برباد ہوا مجھ کو بھی برباد کیا

شمع کی طرح جلے ہم تری محفل میں مگر

تو نے کس وقت ہمیں کون سی شب یاد کیا

جنبش لب کی اجازت ہے نہ اذن پرواز

کس لئے تو نے مجھے قید سے آزاد کیا

شکر ہے تو نے مجھے درد کے قابل سمجھا

تیری پیماں شکنی نے مرا دل شاد کیا

ہائے اس شخص کی خاطر شکنی ہوتی ہے

جس نے اپنے کو تری یاد میں برباد کیا

اپنی بربادی پہ نازاں بھی ہوں حیران بھی ہوں

شمعیں روشن ہوئیں جب میں نے تجھے یاد کیا

تجھ کو یہ ناز کہ تو خالق نغمہ ہے خیالؔ

مجھ کو یہ فخر کہ تو نے مجھے برباد کیا

jane kya soch ke us ne sitam ijad kiya

khud bhi barbad hua mujh ko bhi barbad kiya

shama ki tarah jale ham tiri mahfil mein magar

tu ne kis waqt hamen kaun si shab yad kiya

jumbish-e-lab ki ijazat hai na izn-e-parwaz

kis liye tu ne mujhe qaid se azad kiya

shukr hai tu ne mujhe dard ke qabil samjha

teri paiman shikani ne mira dil shad kya

hae us shakhs ki khatir shikani hoti hai

jis ne apne ko tiri yad mein barbad kiya

apni barbadi pe nazan bhi hun hairan bhi hun

shamen raushan huin jab main ne tujhe yad kiya

tujh ko ye naz ke tu khaliq-e-naghma hai khayal

mujh ko ye fakhr ke tu ne mujhe barbad kya