جب تک مزاج دوست میں کچھ برہمی رہی

جب تک مزاج دوست میں کچھ برہمی رہی

گویا بجھی بجھی سی مری زندگی رہی

جس پر نگاہ لطف و کرم آپ کی رہی

حیرت سے ہر نگاہ اسے دیکھتی رہی

گو میں رہا کشاکش دوراں سے ہم کنار

لیکن مرے لبوں پہ ہنسی کھیلتی رہی

لایا ہے عشق نے مجھے ایسے مقام پر

خود آگہی رہی نہ خدا آگہی رہی

جوش جنوں نے منزل مقصود پا لیا

عقل سلیم دیکھتی ہی دیکھتی رہی

سب کچھ مجھے خیالؔ کی دنیا میں مل گیا

لیکن تمہارے حسن نظر کی کمی رہی

jab tak mizaj-e-dost mein kuchh barhami rahi

goya bujhi bujhi si miri zindagi rahi

jis par nigah-e-lutf-o-karam ap ki rahi

hairat se har nigah use dekhti rahi

go main raha kashakash-e-dauran se ham kanar

lekin mire labon pe hansi khelti rahi

laya hai ishq ne mujhe aise maqam par

khud agahi rahi na khuda agahi rahi

josh-e-junun ne manzil-e-maqsud pa liya

aql-e-salim dekhti hi dekhti rahi

sab kuchh mujhe khayal ki duniya mein mil gaya

lekin tumhare husn-e-nazar ki kami rahi