ہوا کی نظر سے بچا آتے آتے

ہوا کی نظر سے بچا آتے آتے

کہیں بجھ نہ جائے دیا آتے آتے

جہاں سے گزرنا نہیں تھا وہیں سے

ملا زندگی کا پتہ آتے آتے

نہ معلوم یہ کتنی موتیں مری ہے

تمہارے لبوں تک دعا آتے آتے

نمازی یا کافر کوئی تو بتا دے

دکھا کیا کسی کو خدا آتے آتے

تمہارے مکاں سے ہمارے مکاں تک

کہاں پہ رکی ہے گھٹا آتے آتے

hawa ki nazar se bacha ate ate

kahin bujh na jae diya ate ate

jahan se guzarna nahin tha wahin se

mila zindagi ka pata ate ate

na maalum ye kitni mauten miri hai

tumhare labon tak dua ate ate

namazi ya kafir koi to bata de

dikha kya kisi ko khuda ate ate

tumhare makan se hamare makan tak

kahan pe ruki hai ghata ate ate