وگرنہ رات تھی گہری ازل سے

وگرنہ رات تھی گہری ازل سے

نکالا چاند کو ہم نے بغل سے

چلے جس موڑ پر خود کو بدلنے

گئے اس موڑ پر رستے بدل سے

تمہاری راہ میں سوکھے گلوں کو

ہتھیلی پر لیے بیٹھے ہیں کل سے

خدا تو بعد میں آیا مگر ہم

تمہارے ساتھ رہتے ہیں ازل سے

بھلے اب راہ میں کانٹے نہ ہوں گے

ہمارے پاؤں نکلیں گے نہ شل سے

wagarna rat thi gahri azal se

nikala chand ko ham ne baghal se

chale jis mor par khud ko badalne

gae is mor par raste badal se

tumhari rah mein sukhe gulon ko

hatheli par liye baithe hain kal se

khuda to baad mein aya magar ham

tumhare sath rahte hain azal se

bhale ab rah mein kante na honge

hamare paon niklenge na shil se