مجھے تو قید سے اپنی رہائی کیوں نہیں دیتا

مجھے تو قید سے اپنی رہائی کیوں نہیں دیتا

اگر تو ہے جدا تو پھر جدائی کیوں نہیں دیتا

ضرورت کیا مجھے تم کو طبیعت سے بلانے کی

تمہارے دل کہ دھڑکن ہوں سنائی کیوں نہیں دیتا

کسی شیشے کے جیسے کیا کھڑا ہے سامنے میرے

شکایت سن رہا ہے تو صفائی کیوں نہیں دیتا

اگر چھو لے تو پتھر دل پگھل کے موم ہو جائے

ہمارے ہاتھ کو ویسی رسائی کیوں نہیں دیتا

ترے اجڑے مکاں سے ہی بنایا ہے محل اس نے

بدھائی دے رہا ہے تو دہائی کیوں نہیں دیتا

mujhe to qaid se apni rihai kyun nahin deta

agar to hai juda to phir judai kyun nahin deta

zarurat kya mujhe tum ko tabiat se bulane ki

tumhare dil ke dharkan hun sunai kyun nahin deta

kisi shishe ke jaise kya khara hai samne mere

shikayat sun raha hai to safai kyun nahin deta

agar chhu le to patthar dil pighal ke mom ho jae

hamare hath ko waisi rasai kyun nahin deta

tire ujre makan se hi banaya hai mahal us ne

badhai de raha hai to duhai kyun nahin deta