اس زمین غم جدائی پر

اس زمین غم جدائی پر

پاؤں پھسلیں گے سب کے کائی پر

ٹوٹ کے چاہنے میں یوں ٹوٹے

ٹوٹتا ہے بدن رہائی پر

آپ ناراض ہو گئے ورنہ

بات رکتی نہیں دہائی پر

مانا مشکل بڑھائی ہے میں نے

زندگی پھر سے مسکرائی پر

کوئی امید ہی رہی ہوگی

جی رہے ہیں اگر دوائی پر

راہ اپنی بدل نہیں دیتے

دوستوں سے ہوئی لڑائی پر

is zamin-e-gham-e-judai par

paon phislenge sab ke kai par

tut ke chahne mein yun tute

tutta hai badan rihai par

ap naraz ho gae warna

bat rukti nahin duhai par

mana mushkil barhai hai main ne

zindagi phir se muskurai par

koi ummid hi rahi hogi

ji rahe hain agar dawai par

rah apni badal nahin dete

doston se hui larai par