اتنی شدید دھوپ تھی اب کے بہار میں

اتنی شدید دھوپ تھی اب کے بہار میں

جلنے لگے تھے پھول ترے انتظار میں

جتنی کمی لگی تھی دیے کو ہوا کی بس

اتنی کمی رہی تھی ترے اعتبار میں

معلوم ہے ہمیں کہ کسی اور کی ہے وہ

پھر بھی حرام خور کھڑے ہیں قطار میں

ذلت بھری نظر سے ہمیں دیکھتا ہے اب

شیشہ جو رکھ دیا ہے تمہارے دیار میں

میں نے نصیب چھان کے دیکھا مگر مجھے

ملتی نہیں ہے چیز کبھی ایک بار میں

itni shadid dhup thi ab ke bahar mein

jalne lage the phul tire intizar mein

jitni kami lagi thi diye ko hawa ki bas

itni kami rahi thi tire etibar mein

maalum hai hamen ke kisi aur ki hai wo

phir bhi haram khur khare hain qatar mein

zillat bhari nazar se hamen dekhta hai ab

shisha jo rakh diya hai tumhare dayar mein

main ne nasib chhan ke dekha magar mujhe

milti nahin hai chiz kabhi ek bar mein