گھر نہیں رہ گزر میں رہتا ہے

گھر نہیں رہ گزر میں رہتا ہے

پاؤں میرا سفر میں رہتا ہے

وہ چلا جائے تو بھی پہروں تک

اس کا چہرہ نظر میں رہتا ہے

جا چکا ہے جو بزم ہستی سے

وہ بھی دیوار و در میں رہتا ہے

چارہ گر کا کرم تو ہے پھر بھی

درد ہی درد سر میں رہتا ہے

جس نے تشکیل کی ہے میری کنولؔ

میرے قلب و جگر میں رہتا ہے

ghar nahin rah guzar mein rahta hai

paon mera safar mein rahta hai

wo chala jae tu bhi pahron tak

us ka chehra nazar mein rahta hai

ja chuka hai jo bazm-e-hasti se

wo bhi diwar-o-dar mein rahta hai

chara gar ka karam to hai phir bhi

dard hi dard-e-sar mein rahta hai

jis ne tashkil ki hai meri kanwal

mere qalb-o-jigar mein rahta hai