Arooz is now on the App Store, for iPhone and iPad. Download →

All poetry

فقیرانہ صدا خاموش کیوں ہے

G R Kanwal (b. 1935)

فقیرانہ صدا خاموش کیوں ہے

قلندر کی نوا خاموش کیوں ہے

جسے مقصود تھا بس گنگنانا

وہی باد صبا خاموش کیوں ہے

صداقت کچھ بتا اب محفلوں میں

ترا نغمہ سرا خاموش کیوں ہے

فنا جب ہر طرف منڈلا رہی ہے

تو ایسے میں بقا خاموش کیوں ہے

ہے موسم لب کشائی کا چمن میں

شجر گم صم ہوا خاموش کیوں ہے

دیے جب اور سارے جل رہے ہیں

محبت کا دیا خاموش کیوں ہے

کنولؔ جس شہر میں سب بولتے ہیں

وہاں ابن خدا خاموش کیوں ہے