تجھ سے بچھڑے بھی تو حالات نے رونے نہ دیا

تجھ سے بچھڑے بھی تو حالات نے رونے نہ دیا

دل شکن وقت کے لمحات نے رونے نہ دیا

دن کو فرصت نہ ملی اشک بہانے کی کبھی

رات آئی تو مجھے رات نے رونے نہ دیا

اس کی آنکھیں بھی رہیں خشک ہمیشہ کی طرح

مجھ کو بھی آج کسی بات نے رونے نہ دیا

اشک مایوس سوالی کی طرح لوٹ گئے

وہ ملا بھی تو ملاقات نے رونے نہ دیا

ان کے حصے کا کنولؔ شہر میں تم ہی رو لو

جن کو مجبورئ حالات نے رونے نہ دیا

tujh se bichhre bhi to halat ne rone na diya

dil shikan waqt ke lamhat ne rone na diya

din ko fursat na mili ashk bahane ki kabhi

rat ai to mujhe rat ne rone na diya

us ki ankhen bhi rahen khushk hamesha ki tarah

mujh ko bhi aj kisi bat ne rone na diya

ashk mayus sawali ki tarah laut gae

wo mila bhi to mulaqat ne rone na diya

un ke hisse ka kanwal shahr mein tum hi ro lo

jin ko majburi-e-halat ne rone na diya