ہو نوشتہ یہ بھی جیسے کاتب تقدیر کا

ہو نوشتہ یہ بھی جیسے کاتب تقدیر کا

کاغذی ہے پیرہن ہر پیکر تصویر کا

حلقۂ اہل زباں میں خوش ہوں میں یہ دیکھ کر

منفرد لہجہ ہے میرے دوست کی تقریر کا

تا ابد سمجھے نہ جس کو ابن آدم کا دماغ

جز کوئی ایسا نہ ہو یا رب تری تحریر کا

ہے تصور پاس جس کے سیر عالم کے لئے

کیا اثر ہو اس کے پاؤں پر کسی زنجیر کا

دوسروں کی پگڑیاں بھی چاہتا ہے چھین لوں

آدمی بھوکا ہے کتنا اپنی ہی توقیر کا

نام تک آیا نہیں جن میں کہیں فرہاد کا

تذکرہ ہے ان کتابوں میں بھی جوئے شیر کا

میں نے تن کی روشنی کو کم ہی پوجا ہے کنولؔ

میں رہا شیدا ہمیشہ روح کی تنویر کا

ho nawashta ye bhi jaise katib-e-taqdir ka

kaghzi hai pairahan har paikar-e-taswir ka

halqa-e-ahl-e-zaban mein khush hun main ye dekh kar

munfarid lahja hai mere dost ki taqrir ka

ta abad samjhe na jis ko ibn-e-adam ka dimagh

juz koi aisa na ho ya rab tiri tahrir ka

hai tasawwur pas jis ke sair-e-alam ke liye

kya asar ho us ke paon par kisi zanjir ka

dusron ki pagriyan bhi chahta hai chhin lun

admi bhuka hai kitna apni hi tauqir ka

nam tak aya nahin jin mein kahin farhad ka

tazkira hai in kitabon mein bhi ju-e-sher ka

main ne tan ki raushni ko kam hi puja hai kanwal

main raha shaida hamesha ruh ki tanwir ka