سو بار یوں گرجنے کو بادل گرج گیا

سو بار یوں گرجنے کو بادل گرج گیا

لیکن زمین خشک کو کچھ بھی نہ تج گیا

گھر جا کے موتیوں کی طرح جگمگا اٹھی

میں اپنے ساتھ لے کے جو دریا کی رج گیا

ہر تاجور کی تاجوری زیر خاک ہے

لیکن ابھی کلاہ انا کا نہ کج گیا

جب بھی ترے خیال کی خوشبو مہک اٹھی

کمرہ سہاگ رات کے پھولوں سے سج گیا

دو مہر و ماہ ایک ہی قالب میں ڈھل گئے

اکثر شب وصال کا جب ایک بج گیا

زاہد میں آج تک نہ حرم تک گیا مگر

کوئے صنم میں روز ہی کرنے کو حج گیا

برسوں سے فن کی کشت تھی بنجر پڑی ہوئی

اے کیفؔ تیرے خون سے کیا کیا اپج گیا

sau bar yun garajne ko badal garaj gaya

lekin zamin-e-khushk ko kuchh bhi na taj gaya

ghar ja ke motiyon ki tarah jagmaga uthi

main apne sath le ke jo dariya ki raj gaya

har tajwar ki tajwari zer-e-khak hai

lekin abhi kulah ana ka na kaj gaya

jab bhi tire khayal ki khushbu mahak uthi

kamra suhag rat ke phulon se saj gaya

do mehr-o-mah ek hi qalib mein dhal gae

aksar shab-e-wisal ka jab ek baj gaya

zahid mein aj tak na haram tak gaya magar

ku-e-sanam mein roz hi karne ko haj gaya

barson se fan ki kisht thi banjar pari hui

ai kaif tere khun se kya kya apaj gaya