ختم چھٹی مدرسے کا در کھلا

ختم چھٹی مدرسے کا در کھلا

عقل و دانش علم و فن کا گھر کھلا

پھر وہی اسکول کی سرگرمیاں

پھر وہی تعلیم کا دفتر کھلا

میری تعلیمی لیاقت کا بھرم

امتحاں کے بعد ہی اکثر کھلا

ماسٹر صاحب کے غصے کا سبب

بے خطا معصوم بچوں پر کھلا

میری آنکھیں نیند سے بوجھل ہوئیں

جب نظر آیا کوئی بستر کھلا

چاند تاروں کو ہنسی آنے لگی

میرا بستہ جب کھلی چھت پر کھلا

جی میں آتا ہے لگاؤں اک چپت

دیکھتا ہوں جب کسی کا سر کھلا

کیفؔ میری ناک میں دم آ گیا

جب کبھی مجھ سے کوئی ٹیچر کھلا

khatm chhutti madrase ka dar khula

aql-o-danish ilm-o-fan ka ghar khula

phir wahi iskul ki sargarmiyan

phir wahi taalim ka daftar khula

meri taalimi liyaqat ka bharam

imtihan ke baad hi aksar khula

mastar sahab ke ghusse ka sabab

be khata maasum bachchon par khula

meri ankhen nind se bojhal huin

jab nazar aya koi bistar khula

chand taron ko hansi ane lagi

mera basta jab khuli chhat par khula

ji mein ata hai lagaun ik chapat

dekhta hun jab kisi ka sar khula

kaif meri nak mein dam a gaya

jab kabhi mujh se koi tichar khula