خوشی کی آرزو کیا دل میں ٹھہرے

خوشی کی آرزو کیا دل میں ٹھہرے

ترے غم نے بٹھا رکھے ہیں پہرے

کہاں چھوڑ آئی میری تیرہ بختی

وہ راتیں نور کی وہ دن سنہرے

مری جانب نہ دیکھو مسکرا کر

ہوئے جاتے ہیں دل کے زخم گہرے

نظر پر تیرگی چھائی ہوئی ہے

مگر آنکھوں میں ہیں سپنے سنہرے

جدھر بھی دیکھتا ہوں کیفؔ ادھر ہی

گھرے ہیں غم کے بادل گہرے گہرے

khushi ki arzu kya dil mein thahre

tire gham ne bitha rakhe hain pahre

kahan chhor ai meri tira bakhti

wo raten nur ki wo din sunahre

miri janib na dekho muskura kar

hue jate hain dil ke zakhm gahre

nazar par tirgi chhai hui hai

magar ankhon mein hain sapne sunahre

jidhar bhi dekhta hun kaif idhar hi

ghire hain gham ke badal gahre gahre