ہم آج کچھ حسین سرابوں میں کھو گئے

ہم آج کچھ حسین سرابوں میں کھو گئے

آنکھیں کھلیں تو جاگتے خوابوں میں کھو گئے

ہم صفحۂ حیات سے جب بے نشاں ہوئے

لفظوں کی روح بن کے کتابوں میں کھو گئے

آئینۂ بہار کے کچھ عکس مضمحل

خوشبو کا رنگ پا کے گلابوں میں کھو گئے

دراصل برشگال کے تم آفتاب تھے

برسات جب ہوئی تو سحابوں میں کھو گئے

نکلے تھے جو بھی آج تلاش ثواب میں

وہ زندگی کے سخت عذابوں میں کھو گئے

دل کو تھی ایک شہر تمنا کی جستجو

لیکن ہم آرزو کے خرابوں میں کھو گئے

جب مسئلہ حیات کا کچھ حل نہ ہو سکا

ہم کیفؔ فلسفے کی کتابوں میں کھو گئے

ham aj kuchh hasin sarabon mein kho gae

ankhen khulen to jagte khwabon mein kho gae

ham safha-e-hayat se jab be nishan hue

lafzon ki ruh ban ke kitabon mein kho gae

aina-e-bahar ke kuchh aks muzmahil

khushbu ka rang pa ke gulabon mein kho gae

darasl barshgal ke tum aftab the

barsat jab hui to sahabon mein kho gae

nikle the jo bhi aj talash-e-sawab mein

wo zindagi ke sakht azabon mein kho gae

dil ko thi ek shahr-e-tamanna ki justuju

lekin ham arzu ke kharabon mein kho gae

jab masala hayat ka kuchh hal na ho saka

ham kaif falsafe ki kitabon mein kho gae