یہ دل بھی ڈوب گیا سیڑھیاں اترتے ہوئے

یہ دل بھی ڈوب گیا سیڑھیاں اترتے ہوئے

سنی نہ کوئی صدا سیڑھیاں اترتے ہوئے

خوشی خوشی میں تجھے چھوڑ کر تو آیا مگر

بہت اداس ہوا سیڑھیاں اترتے ہوئے

کہیں یہ تیری سکھائی ہوئی تو آئی نہیں

الجھ رہی ہے ہوا سیڑھیاں اترتے ہوئے

اسے بھی ترک تعلق کا ہو کوئی احساس

وہ لوٹ آئے خدا سیڑھیاں اترتے ہوئے

وہ اب گلی میں کہیں غم زدہ کھڑا ہوا ہے

جو ہنس رہا تھا بڑا سیڑھیاں اترتے ہوئے

ye dil bhi dub gaya sirhiyan utarte hue

suni na koi sada sirhiyan utarte hue

khushi khushi mein tujhe chhor kar to aya magar

bahut udas hua sirhiyan utarte hue

kahin ye teri sikhai hui to ai nahin

ulajh rahi hai hawa sirhiyan utarte hue

use bhi tark-e-taalluq ka ho koi ehsas

wo laut ae khuda sirhiyan utarte hue

wo ab gali mein kahin gham zada khara hua hai

jo hans raha tha bara sirhiyan utarte hue