بتا یہ کون سی منزل ہے اے عمر رواں مجھ کو

بتا یہ کون سی منزل ہے اے عمر رواں مجھ کو

نظر آتا نہیں خود کا بھی اب سایہ جہاں مجھ کو

یہ ہے عزم جواں میرا نشیمن پھر بنا لوں گا

جلانے کا نہیں احساس اے برق تپاں مجھ کو

بچھڑ کر کارواں سے میں بھٹکتا ہی رہا ہر سو

نظر آئی نہ منزل اور نہ گرد کارواں مجھ کو

مسیحا زہر دے دے یا علاج درد و غم کر دے

کبھی لینے نہ دے گا چین یہ درد نہاں مجھ کو

عزائم لے کے اٹھا ہوں اٹل میرے ارادے ہیں

کبھی نیچا دکھا سکتا نہیں تو آسماں مجھ کو

جہاں شرمندۂ تعبیر ہے فطرت زمانے کی

خلوص آدمیت رازؔ لائی ہے وہاں مجھ کو

bata ye kaun si manzil hai ai umr-e-rawan mujh ko

nazar ata nahin khud ka bhi ab saya jahan mujh ko

ye hai azm-e-jawan mera nasheman phir bana lunga

jalane ka nahin ehsas ai barq-e-tapan mujh ko

bichhar kar karwan se main bhatakta hi raha har su

nazar ai na manzil aur na gard-e-karwan mujh ko

masiha zahr de de ya ilaj-e-dard-o-gham kar de

kabhi lene na dega chain ye dard-e-nihan mujh ko

azaim le ke utha hun atal mere irade hain

kabhi nicha dikha sakta nahin to asman mujh ko

jahan sharminda-e-taabir hai fitrat zamane ki

khulus-e-admiyyat raz lai hai wahan mujh ko