پہنا بھی کچھ زمانے نے ایسا لباس ہے

پہنا بھی کچھ زمانے نے ایسا لباس ہے

ماحول پہ زمانے کے غیرت اداس ہے

وہ بھول جائیں ہم کو تو ہے ان کا ظرف یہ

ہم کو تو اب بھی ان کی محبت کا پاس ہے

چہرے سے اپنے زلف ہٹا دیجئے ذرا

بیتاب دل ہے دید کی آنکھوں کو پیاس ہے

اب تو تمہارے غم کے سہارے ہے زندگی

ہم کو خوشی زمانے کی آئی نہ راس ہے

دل توڑنے سے پہلے ذرا یہ بھی سوچئے

ہر لمحہ موت زندگی کے آس پاس ہے

سمجھے گا رازؔ کون یہاں تیرے درد کو

کس کی نگاہ اتنی قیافہ شناس ہے

pahna bhi kuchh zamane ne aisa libas hai

mahaul pe zamane ke ghairat udas hai

wo bhul jaen ham ko to hai un ka zarf ye

ham ko to ab bhi un ki mohabbat ka pas hai

chehre se apne zulf hata dijiye zara

betab dil hai did ki ankhon ko pyas hai

ab to tumhare gham ke sahare hai zindagi

ham ko khushi zamane ki ai na ras hai

dil torne se pahle zara ye bhi sochiye

har lamha maut zindagi ke as pas hai

samjhega raz kaun yahan tere dard ko

kis ki nigah itni qiyafa shanas hai