حرص مال و منال میں کھویا

حرص مال و منال میں کھویا

ہم نے فردا بھی حال میں کھویا

ایک لمحہ تھا تجھ کو پانے کا

وہ بھی فکر مآل میں کھویا

میں نے پندار عاشقی سارا

اک ادھورے سوال میں کھویا

وہ ستارا جو راہ دکھلاتا

خود غرور‌ کمال میں کھویا

کارواں محو ہے اندھیروں میں

رہنما قیل و قال میں کھویا

ساعتیں سرنگوں گزرتی ہیں

وقت اس کے خیال میں کھویا

میں بھی کرب طلب میں گم پر‌توؔ

وہ بھی سحر‌ جمال میں کھویا

hirs-e-mal-o-manal mein khoya

ham ne farda bhi hal mein khoya

ek lamha tha tujh ko pane ka

wo bhi fikr-e-maal mein khoya

main ne pindar-e-ashiqi sara

ik adhure sawal mein khoya

wo sitara jo rah dikhlata

khud ghurur-e-kamal mein khoya

karwan mahw hai andheron mein

rahnuma qil-o-qal mein khoya

saaten sarnigun guzarti hain

waqt us ke khayal mein khoya

main bhi karb-e-talab mein gum partau

wo bhi sahar-e-jamal mein khoya