یہ زندگی کی ہار سے پہلے گزر گئی

یہ زندگی کی ہار سے پہلے گزر گئی

اک داستاں بہار سے پہلے گزر گئی

وہ بات اعتبار کے قابل نہیں رہی

جو بات اعتبار سے پہلے گزر گئی

آنکھوں سے دیکھتے رہے دل کی تباہیاں

دل کی لگی قرار سے پہلے گزر گئی

ہوتے ہیں آج تک بھی خزاں ہی کے تذکرے

آئی بھی اور بہار سے پہلے گزر گئی

زاہد کی پارسائی کا اب کچھ نہ پوچھئے

اک شے تھی جو خمار سے پہلے گزر گئی

کیسے کہوں کہ لوٹ کے آ جائے گی اے رازؔ

وہ زندگی جو پیار سے پہلے گزر گئی

ye zindagi ki har se pahle guzar gai

ik dastan bahar se pahle guzar gai

wo bat etibar ke qabil nahin rahi

jo bat etibar se pahle guzar gai

ankhon se dekhte rahe dil ki tabahiyan

dil ki lagi qarar se pahle guzar gai

hote hain aj tak bhi khizan hi ke tazkire

ai bhi aur bahar se pahle guzar gai

zahid ki parsai ka ab kuchh na puchhiye

ik shai thi jo khumar se pahle guzar gai

kaise kahun ke laut ke a jaegi ai raz

wo zindagi jo pyar se pahle guzar gai