یہاں کسی کو بھی کچھ حسب آرزو نہ ملا

یہاں کسی کو بھی کچھ حسب آرزو نہ ملا

کسی کو ہم نہ ملے اور ہم کو تو نہ ملا

غزال اشک سر صبح دوب مژگاں پر

کب آنکھ اپنی کھلی اور لہو لہو نہ ملا

چمکتے چاند بھی تھے شہر شب کے ایواں میں

نگار غم سا مگر کوئی شمع رو نہ ملا

انہی کی رمز چلی ہے گلی گلی میں یہاں

جنہیں ادھر سے کبھی اذن گفتگو نہ ملا

پھر آج مے کدۂ دل سے لوٹ آئے ہیں

پھر آج ہم کو ٹھکانے کا ہم سبو نہ ملا

yahan kisi ko bhi kuchh hasb-e-arzu na mila

kisi ko ham na mile aur ham ko to na mila

ghazal-e-ashk sar subh dub-e-mizhgan par

kab ankh apni khuli aur lahu lahu na mila

chamakte chand bhi the shahr-e-shab ke aiwan mein

nigar gham sa magar koi shama ro na mila

unhi ki ramz chali hai gali gali mein yahan

jinhen idhar se kabhi izn-e-guftugu na mila

phir aj mai kada-e-dil se laut ae hain

phir aj ham ko thikane ka ham subu na mila