لبوں پہ لالہ و گل کے وہ اب ہنسی نہ رہی

لبوں پہ لالہ و گل کے وہ اب ہنسی نہ رہی

نسیم صبح کے جھونکوں میں تازگی نہ رہی

یہ آج کیسی پلائی ہے اے مرے ساقی

خودی کا دور گیا اور بے خودی نہ رہی

کیا اگرچہ بہت پائمال گردوں نے

ترے ستم کی بھی ظالم مگر کمی نہ رہی

کسی نے روئے حسیں سے نقاب کیا الٹی

فلک پہ چاند ستاروں میں روشنی نہ رہی

ضرور آئیں گے وہ اب یقین ہے مجھ کو

دل حزیں میں وہ پہلی سی بیکلی نہ رہی

نہ مجھ سے پوچھ تو روداد زندگی پیکاںؔ

جہان زیست میں کوئی بھی دل کشی نہ رہی

labon pe lala-o-gul ke wo ab hansi na rahi

nasim-e-subh ke jhonkon mein tazgi na rahi

ye aj kaisi pilai hai ai mire saqi

khudi ka daur gaya aur be khudi na rahi

kiya agarche bahut paimal-e-gardun ne

tire sitam ki bhi zalim magar kami na rahi

kisi ne ru-e-hasin se naqab kya ulti

falak pe chand sitaron mein raushni na rahi

zarur aenge wo ab yaqin hai mujh ko

dil-e-hazin mein wo pahli si bekali na rahi

na mujh se puchh to rudad-e-zindagi paikan

jahan-e-zist mein koi bhi dil kashi na rahi