ہجوم غم کو ہم تو زیست کا حاصل سمجھتے ہیں

ہجوم غم کو ہم تو زیست کا حاصل سمجھتے ہیں

یہ الفاظ دگر طوفان کو ساحل سمجھتے ہیں

رہ الفت میں ایسے بھی مقام آ جاتے ہیں اکثر

جہاں آہ و فغاں کو ہم سکون دل سمجھتے ہیں

اسیران قفس کی ہمت مردانہ تو دیکھو

قفس کی قید کو آزادئ کامل سمجھتے ہیں

وہ کیا پہنچیں گے منزل پر وہ کیا پائیں گے منزل کو

جو رہزن کو بھی اپنا رہبر کامل سمجھتے ہیں

انہیں پروائے جور چرخ گردوں ہو نہیں سکتی

جو رنج و غم کو بھی وجہ سکون دل سمجھتے ہیں

کہاں میں اور کہاں شعر و سخن کی انجمن پیکاںؔ

بہ فیض طبع موزوں ہے جو اہل دل سمجھتے ہیں

hujum-e-gham ko ham to zist ka hasil samajhte hain

ye alfaz-e-digar tufan ko sahil samajhte hain

rah-e-ulfat mein aise bhi maqam a jate hain aksar

jahan ah-o-fughan ko ham sukun-e-dil samajhte hain

asiran-e-qafas ki himmat-e-mardana to dekho

qafas ki qaid ko azadi-e-kamil samajhte hain

wo kya pahunchenge manzil par wo kya paenge manzil ko

jo rahzan ko bhi apna rahbar-e-kamil samajhte hain

unhen parwae jaur-e-charkh-e-gardun ho nahin sakti

jo ranj-o-gham ko bhi wajh-e-sukun-e-dil samajhte hain

kahan main aur kahan sher-o-sukhan ki anjuman paikan

ba faiz-e-tab-e-mauzun hai jo ahl-e-dil samajhte hain