بے وفائی کرکے نکلوں یا وفا کر جاؤں گا

بے وفائی کرکے نکلوں یا وفا کر جاؤں گا

شہر کو ہر ذائقے سے آشنا کر جاؤں گا

تو بھی ڈھونڈے گا مجھے شوق سزا میں ایک دن

میں بھی کوئی خوبصورت سی خطا کر جاؤں گا

مجھ سے اچھائی بھی نہ کر میری مرضی کے خلاف

ورنہ میں بھی ہاتھ کوئی دوسرا کر جاؤں گا

مجھ میں ہیں گہری اداسی کے جراثیم اس قدر

میں تجھے بھی اس مرض میں مبتلا کر جاؤں گا

شور ہے اس گھر کے آنگن میں ظفرؔ کچھ روز اور

گنبد دل کو کسی دن بے صدا کر جاؤں گا

be wafai karke niklun ya wafa kar jaunga

shahr ko har zaiqe se ashna kar jaunga

tu bhi dhundega mujhe shauq-e-saza mein ek din

main bhi koi khubsurat si khata kar jaunga

mujh se achchhai bhi na kar meri marzi ke khilaf

warna main bhi hath koi dusra kar jaunga

mujh mein hain gahri udasi ke jarasim is qadar

main tujhe bhi is maraz mein mubtala kar jaunga

shor hai is ghar ke angan mein zafar kuchh roz aur

gumbad-e-dil ko kisi din be sada kar jaunga