آئنہ تھا تو جو چہرہ تھا مرا اپنا تھا

آئنہ تھا تو جو چہرہ تھا مرا اپنا تھا

مجھ میں جو عکس بھی اترا تھا مرا اپنا تھا

وہ جو آہٹ تھی کوئی روپ نہیں دھار سکی

وہ جو دیوار پہ سایا تھا مرا اپنا تھا

وہ جو ہونٹوں پہ تپن سی تھی وہ میری ضد تھی

وہ جو دریاؤں پہ پہرا تھا مرا اپنا تھا

میرے رستے میں جو رونق تھی میرے فن کی تھی

میرے گھر میں جو اندھیرا تھا مرا اپنا تھا

اجنبیت کا وہ احساس تھا میری قسمت

وہ جو اپنا نہیں لگتا تھا مرا اپنا تھا

میری سوچوں میں جو منزل تھی میری اپنی تھی

میرے قدموں میں جو رستہ تھا مرا اپنا تھا

صرف پانی پہ تو قبضہ تھا میرے دشمن کا

مجھ میں جو خون کا دجلہ تھا مرا اپنا تھا

aina tha to jo chehra tha mira apna tha

mujh mein jo aks bhi utra tha mira apna tha

wo jo ahat thi koi rup nahin dhar saki

wo jo diwar pe saya tha mira apna tha

wo jo honton pe tapan si thi wo meri zid thi

wo jo dariyaon pe pahra tha mira apna tha

mere raste mein jo raunaq thi mere fan ki thi

mere ghar mein jo andhera tha mira apna tha

ajnabiyyat ka wo ehsas tha meri qismat

wo jo apna nahin lagta tha mira apna tha

meri sochon mein jo manzil thi meri apni thi

mere qadmon mein jo rasta tha mira apna tha

sirf pani pe to qabza tha mere dushman ka

mujh mein jo khun ka dajla tha mira apna tha