وہ آج لوٹ بھی آئے تو اس سے کیا ہوگا

وہ آج لوٹ بھی آئے تو اس سے کیا ہوگا

اب اس نگاہ کا پتھر سے سامنا ہوگا

زمیں کے زخم سمندر تو بھر نہ پائے گا

یہ کام دیدۂ تر تجھ کو سونپنا ہوگا

ہزار نیزے ادھر اور میں ادھر تنہا

مری شکست کا عنواں ہی دوسرا ہوگا

جو تیز دھوپ میں سایوں کی فصل بوتے ہیں

یہاں کی آب و ہوا کا انہیں پتہ ہوگا

میں اور ایک قدم اس کی سمت بڑھ جاتا

پتہ نہ تھا کہ وہ اتنا گریز پا ہوگا

مرا یقیں ہے کہ راہ وفا میں میرے بعد

مرا سفر ترے قدموں نے طے کیا ہوگا

wo aj laut bhi ae to us se kya hoga

ab us nigah ka patthar se samna hoga

zamin ke zakhm samundar to bhar na paega

ye kam dida-e-tar tujh ko saunpna hoga

hazar neze idhar aur main idhar tanha

miri shikast ka unwan hi dusra hoga

jo tez dhup mein sayon ki fasl bote hain

yahan ki ab-o-hawa ka unhen pata hoga

main aur ek qadam us ki samt barh jata

pata na tha ke wo itna gurez pa hoga

mira yaqin hai ke rah-e-wafa mein mere baad

mira safar tire qadmon ne tai kya hoga