نہ اتراؤ چمن والوں حسیں پھولوں کے جوبن پر

نہ اتراؤ چمن والوں حسیں پھولوں کے جوبن پر

رہا کرتی ہے رنگینی فقط دو روز گلشن پر

کہاں ممکن کہ رہ جاتا کوئی تنکا گلستاں میں

ہزاروں بجلیاں گرتی رہیں میرے نشیمن پر

جو آنکھوں میں رہے وہ بے شبہ ہے بے بہا گوہر

وہ آنسو کیا ہے جو آ جائے چشم تر سے دامن پر

ستا لے جتنا جی چاہے جلا لے جتنا جی چاہے

تجھے رونا پڑے گا آ کے اک دن میرے مدفن پر

کمی تو کچھ نہ تھی پیکاںؔ مرے شوق شہادت میں

نہ جانے تیغ قاتل کیوں چلی رک رک کے گردن پر

na itrao chaman-e-walon hasin phulon ke joban par

raha karti hai rangini faqat do roz-e-gulshan par

kahan mumkin ke rah jata koi tinka gulistan mein

hazaron bijliyan girti rahen mere nasheman par

jo ankhon mein rahe wo be shuba hai be baha gauhar

wo ansu kya hai jo a jae chashm-e-tar se daman par

sata le jitna ji chahe jala le jitna ji chahe

tujhe rona parega a ke ik din mere madfan par

kami to kuchh na thi paikan mire shauq-e-shahadat mein

na jane tegh-e-qatil kyun chali ruk ruk ke gardan par