پھر ایک بار ترا تذکرہ نکل آیا

پھر ایک بار ترا تذکرہ نکل آیا

مجھے تراشا تو پیکر ترا نکل آیا

یہ میرے گھر کے دریچوں میں روشنی کیسی

یہاں چراغ کا کیا سلسلہ نکل آیا

جو نقش نقش اسیری کا سحر جانتے تھے

ان آئینوں سے بھی سایا مرا نکل آیا

میں اپنے شور میں کب تک دبا ہوا رہتا

صدائیں دیتا ہوا بے صدا نکل آیا

لپٹ کے روتا رہا وہ بجھے چراغوں سے

کہ طاق طاق کوئی سلسلہ نکل آیا

دیا تھا جس کو زمانے نے تیرے قرب کا نام

مرے ہی قدموں سے وہ فاصلہ نکل آیا

phir ek bar tira tazkira nikal aya

mujhe tarasha to paikar tira nikal aya

ye mere ghar ke darichon mein raushni kaisi

yahan charagh ka kya silsila nikal aya

jo naqsh naqsh asiri ka sehr jante the

in ainon se bhi saya mira nikal aya

main apne shor mein kab tak daba hua rahta

sadaen deta hua be sada nikal aya

lipat ke rota raha wo bujhe charaghon se

ke taq taq koi silsila nikal aya

diya tha jis ko zamane ne tere qurb ka nam

mire hi qadmon se wo fasla nikal aya