تو اک قدم بھی جو میری طرف بڑھا دیتا

تو اک قدم بھی جو میری طرف بڑھا دیتا

میں منزلیں تری دہلیز سے ملا دیتا

خبر تو دیتا مجھے مجھ کو چھوڑ جانے کی

میں واپسی کا تجھے راستہ بتا دیتا

مجھے تو رہنا تھا آخر حد تعین میں

وہ پاس آتا تو میں فاصلہ بڑھا دیتا

ہم ایک تھے تو ہمیں بے صدا ہی رہنا تھا

پکارتا وہ کسے میں کسے صدا دیتا

وہ خواب دیکھ رہی تھیں یہ جاگتی آنکھیں

چراغ خود نہیں بجھتا تو میں بجھا دیتا

ہوا کے رخ پہ مرا گاؤں ہی نہ تھا ورنہ

جو مٹھیوں میں بھری تھی وہ خاک اڑا دیتا

to ik qadam bhi jo meri taraf barha deta

main manzilen tiri dahliz se mila deta

khabar to deta mujhe mujh ko chhor jane ki

main wapsi ka tujhe rasta bata deta

mujhe to rahna tha akhir had-e-taayyun mein

wo pas ata to main fasla barha deta

ham ek the to hamen be sada hi rahna tha

pukarta wo kise mein kise sada deta

wo khwab dekh rahi thin ye jagti ankhen

charagh khud nahin bujhta to main bujha deta

hawa ke rukh pe mira gaon hi na tha warna

jo mutthiyon mein bhari thi wo khak ura deta