جب مرے ہونٹوں پہ میری تشنگی رہ جائے گی

جب مرے ہونٹوں پہ میری تشنگی رہ جائے گی

تیری آنکھوں میں بھی تھوڑی سی نمی رہ جائے گی

سر پھرا جھونکا ہوا کا توڑ دے گا شاخ کو

پھول بننے کی تمنا میں کلی رہ جائے گی

ختم ہو جائے گا جس دن بھی تمہارا انتظار

گھر کے دروازے پہ دستک چیختی رہ جائے گی

کیا خبر تھی آئے گا اک روز ایسا وقت بھی

میری گویائی ترا منہ دیکھتی رہ جائے گی

وقت رخصت آئے گا اور ختم ہوگا یہ سفر

میرے دل کی بات میرے دل میں ہی رہ جائے گی

jab mire honton pe meri tishnagi rah jaegi

teri ankhon mein bhi thori si nami rah jaegi

sar phira jhonka hawa ka tor dega shakh ko

phul banne ki tamanna mein kali rah jaegi

khatm ho jaega jis din bhi tumhara intizar

ghar ke darwaze pe dastak chikhti rah jaegi

kya khabar thi aega ik roz aisa waqt bhi

meri goyai tira munh dekhti rah jaegi

waqt-e-rukhsat aega aur khatm hoga ye safar

mere dil ki bat mere dil mein hi rah jaegi