کاش ایسا کوئی منظر ہوتا

کاش ایسا کوئی منظر ہوتا

میرے کاندھے پہ ترا سر ہوتا

جمع کرتا جو میں آئے ہوئے سنگ

سر چھپانے کے لئے گھر ہوتا

اس بلندی پہ بہت تنہا ہوں

کاش میں سب کے برابر ہوتا

اس نے الجھا دیا دنیا میں مجھے

ورنہ ایک اور قلندر ہوتا

وہ جو ٹھوکر نہ لگاتے مجھ کو

میں کسی راہ کا پتھر ہوتا

kash aisa koi manzar hota

mere kandhe pe tira sar hota

jama karta jo main ae hue sang

sar chhupane ke liye ghar hota

is bulandi pe bahut tanha hun

kash main sab ke barabar hota

us ne uljha diya duniya mein mujhe

warna ek aur qalandar hota

wo jo thokar na lagate mujh ko

main kisi rah ka patthar hota