میرے آنسو تری آنکھوں سے اگر مل جائیں

میرے آنسو تری آنکھوں سے اگر مل جائیں

جتنے مرجھائے ہوئے پھول ہیں سب کھل جائیں

سانس لینا مجھے آسان بھی ہو سکتا ہے

ٹہنیاں پیڑ کی دھیرے سے اگر ہل جائیں

ایک اک کر کے سبھی بستیاں ویران ہوئیں

قتل کرنے کے لیے اب کہاں قاتل جائیں

ڈھونڈھتی رہتی ہیں ہر وقت یہ آنکھیں اس کو

کسی بازار سے گزریں کسی محفل جائیں

خامشی اتنی بھی اچھی نہیں ہوتی طاہرؔ

مجھ کو ڈر ہے نہ کہیں ہونٹ ترے سل جائیں

mere ansu tiri ankhon se agar mil jaen

jitne murjhae hue phul hain sab khul jaen

sans lena mujhe asan bhi ho sakta hai

tahniyan per ki dhire se agar hal jaen

ek ik kar ke sabhi bastiyan wiran huin

qatl karne ke liye ab kahan qatil jaen

dhundhti rahti hain har waqt ye ankhen us ko

kisi bazar se guzren kisi mahfil jaen

khamushi itni bhi achchhi nahin hoti tahir

mujh ko dar hai na kahin hont tire sil jaen