اب کے برس ہونٹوں سے میرے تشنہ لبی بھی ختم ہوئی

اب کے برس ہونٹوں سے میرے تشنہ لبی بھی ختم ہوئی

تجھ سے ملنے کی اے دریا مجبوری بھی ختم ہوئی

کیسا پیار کہاں کی الفت عشق کی بات تو جانے دو

میرے لیے اب اس کے دل سے ہمدردی بھی ختم ہوئی

سامنے والی بلڈنگ میں اب کام ہے بس آرائش کا

کل تک جو ملتی تھی ہمیں وہ مزدوری بھی ختم ہوئی

جیل سے واپس آ کر اس نے پانچوں وقت نماز پڑھی

منہ بھی بند ہوئے سب کے اور بدنامی بھی ختم ہوئی

جس کی جل دھارا سے بستی والے جیون پاتے تھے

رستہ بدلتے ہی ندی کے وہ بستی بھی ختم ہوئی

ab ke baras honton se mere tishna labi bhi khatm hui

tujh se milne ki ai dariya majburi bhi khatm hui

kaisa pyar kahan ki ulfat ishq ki bat to jane do

mere liye ab us ke dil se hamdardi bhi khatm hui

samne wali baldang mein ab kam hai bas araish ka

kal tak jo milti thi hamen wo mazduri bhi khatm hui

jel se wapas a kar us ne panchon waqt-e-namaz parhi

munh bhi band hue sab ke aur badnami bhi khatm hui

jis ki jal dhara se basti wale jiwan pate the

rasta badalte hi naddi ke wo basti bhi khatm hui