کہیں خلوص کی خوشبو ملے تو رک جاؤں

کہیں خلوص کی خوشبو ملے تو رک جاؤں

مرے لیے کوئی آنسو کھلے تو رک جاؤں

میں اس کے سائے میں یوں تو ٹھہر نہیں سکتا

اداس پیڑ کا پتا ہلے تو رک جاؤں

کبھی پلک پہ ستارے کبھی لبوں پہ گلاب

اگر نہ ختم ہوں یہ سلسلے تو رک جاؤں

وہ ایک ربط جو اتنا بڑھا کہ ٹوٹ گیا

سمٹ کے جوڑ دے یہ فاصلے تو رک جاؤں

بہت طویل اندھیروں کا ہے سفر طاہرؔ

کہیں جو دھوپ کا سایہ ملے تو رک جاؤں

kahin khulus ki khushbu mile to ruk jaun

mire liye koi ansu khule to ruk jaun

main us ke sae mein yun to thahar nahin sakta

udas per ka patta hile to ruk jaun

kabhi palak pe sitare kabhi labon pe gulab

agar na khatm hun ye silsile to ruk jaun

wo ek rabt jo itna barha ke tut gaya

simat ke jor de ye fasle to ruk jaun

bahut tawil andheron ka hai safar tahir

kahin jo dhup ka saya mile to ruk jaun