میں نہ کہتا تھا کہ شہروں میں نہ جا یار مرے

میں نہ کہتا تھا کہ شہروں میں نہ جا یار مرے

سوندھی مٹی ہی میں ہوتی ہے وفا یار مرے

کوئی ٹوٹے ہوئے خوابوں سے کہاں ملتا ہے

ہر جگہ درد کا بستر نہ لگا یار مرے

سلسلہ پھر سے جڑا ہے تو جڑا رہنے دے

دل کے رشتوں کو تماشہ نہ بنا یار مرے

اپنی چاہت کے شب و روز مکمل کر لے

جا یہ سورج بھی ترے نام کیا یار مرے

تجھ سے ملتا ہوں تو رشتہ کوئی یاد آتا ہے

سلسلہ مجھ سے زیادہ نہ بڑھا یار مرے

ایسا لگتا ہے کہ کچھ ٹوٹ رہا ہے مجھ میں

چھوڑ کے تو مجھے اس وقت نہ جا یار مرے

خوش نصیبی سے یہ ساعت ترے ہاتھ آئی ہے

آسماں جھکنے لگا ہاتھ بڑھا یار مرے

main na kahta tha ke shahron mein na ja yar mire

sondhi mitti hi mein hoti hai wafa yar mire

koi tute hue khwabon se kahan milta hai

har jagah dard ka bistar na laga yar mire

silsila phir se jura hai to jura rahne de

dil ke rishton ko tamasha na bana yar mire

apni chahat ke shab-o-roz mukammal kar le

ja ye suraj bhi tire nam kiya yar mire

tujh se milta hun to rishta koi yad ata hai

silsila mujh se ziyada na barha yar mire

aisa lagta hai ke kuchh tut raha hai mujh mein

chhor ke to mujhe is waqt na ja yar mire

khush nasibi se ye saat tire hath ai hai

asman jhukne laga hath barha yar mire