گوشے بدل بدل کے ہر اک رات کاٹ دی
Tahir Farazگوشے بدل بدل کے ہر اک رات کاٹ دی
کچے مکاں میں اب کے بھی برسات کاٹ دی
وہ سر بھی کاٹ دیتا تو ہوتا نہ کچھ ملال
افسوس یہ ہے اس نے مری بات کاٹ دی
دل بھی لہولہان ہے آنکھیں بھی ہیں اداس
شاید انا نے شہ رگ جذبات کاٹ دی
جب بھی ہمیں چراغ میسر نہ آ سکا
سورج کے ذکر سے شب ظلمات کاٹ دی
جادوگری کا کھیل ادھورا ہی رہ گیا
درویش نے شبیۂ طلسمات کاٹ دی
حالانکہ ہم ملے تھے بڑی مدتوں کے بعد
اوقات کی کمی نے ملاقات کاٹ دی
ٹھنڈی ہوائیں مہکی فضا نرم چاندنی
شب تو بس ایک تھی جو ترے سات کاٹ دی
goshe badal badal ke har ik rat kat di
kachche makan mein ab ke bhi barsat kat di
wo sar bhi kat deta to hota na kuchh malal
afsos ye hai us ne miri bat kat di
dil bhi lahuluhan hai ankhen bhi hain udas
shayad ana ne shah rag-e-jazbat kat di
jab bhi hamen charagh muyassar na a saka
suraj ke zikr se shab-e-zulmat kat di
jadugari ka khel adhura hi rah gaya
darwesh ne shabih-e-tilismat kat di
halanke ham mile the bari muddaton ke baad
auqat ki kami ne mulaqat kat di
thandi hawaen mahki faza narm chandni
shab to bas ek thi jo tire sat kat di