ذرا سی بات پہ کٹتے ہیں سر ہماری طرف

ذرا سی بات پہ کٹتے ہیں سر ہماری طرف

بھلا اسی میں ہے تو رخ نہ کر ہماری طرف

نئے سماج کی تعمیر کھا گئی ان کو

بنے ہوئے تھے جو چھپر کے گھر ہماری طرف

پرانے عہد کے قصے سناتا رہتا ہے

بچا ہوا ہے جو بوڑھا شجر ہماری طرف

کنی وہ چاٹ کے ہیرے کی ہو گیا پتھر

جب آ گیا کوئی آئینہ گر ہماری طرف

نہ بات سمجھیں نہ لہجے کا درد پہچانیں

ہیں اس نظر کے بھی اہل نظر ہماری طرف

zara si bat pe katte hain sar hamari taraf

bhala isi mein hai to rukh na kar hamari taraf

nae samaj ki taamir kha gai un ko

bane hue the jo chhappar ke ghar hamari taraf

purane ahd ke qisse sunata rahta hai

bacha hua hai jo burha shajar hamari taraf

kini wo chat ke hire ki ho gaya patthar

jab a gaya koi aina gar hamari taraf

na bat samjhen na lahje ka dard pahchanen

hain is nazar ke bhi ahl-e-nazar hamari taraf