کیسے مانوں کہ زمانے کی خبر رکھتی ہے

کیسے مانوں کہ زمانے کی خبر رکھتی ہے

گردش وقت تو بس مجھ پہ نظر رکھتی ہے

میرے پیروں کی تھکن روٹھ نہ جانا مجھ سے

ایک تو ہی تو مرا راز سفر رکھتی ہے

دھوپ مجھ کو جو لیے پھرتی ہے سائے سائے

ہے تو آوارہ مگر ذہن میں گھر رکھتی ہے

دوستی تیرے درختوں میں ہوائیں بھی نہیں

دشمنی اپنے درختوں میں ثمر رکھتی ہے

جانے کیا سوچ کے رو لیتا ہوں اس وقت فرازؔ

زندگی جب مرے آغوش میں سر رکھتی ہے

kaise manun ke zamane ki khabar rakhti hai

gardish-e-waqt to bas mujh pe nazar rakhti hai

mere pairon ki thakan ruth na jana mujh se

ek tu hi to mira raz safar rakhti hai

dhup mujh ko jo liye phirti hai sae sae

hai to awara magar zehn mein ghar rakhti hai

dosti tere darakhton mein hawaen bhi nahin

dushmani apne darakhton mein samar rakhti hai

jane kya soch ke ro leta hun is waqt faraz

zindagi jab mire aghosh mein sar rakhti hai