خود کو پڑھتا ہوں چھوڑ دیتا ہوں

خود کو پڑھتا ہوں چھوڑ دیتا ہوں

اک ورق روز موڑ دیتا ہوں

اس قدر زخم ہیں نگاہوں میں

روز اک آئینہ توڑ دیتا ہوں

میں پجاری برستے پھولوں کا

چھو کے شاخوں کو چھوڑ دیتا ہوں

تجھ سے رشتہ ہے ریشمی رشتہ

کچے دھاگے میں توڑ دیتا ہوں

کاسۂ شب میں خون سورج کا

قطرہ قطرہ نچوڑ دیتا ہوں

کانپتے ہونٹ بھیگتی پلکیں

بات ادھوری ہی چھوڑ دیتا ہوں

ریت کے گھر بنا بنا کے فرازؔ

جانے کیوں خود ہی توڑ دیتا ہوں

khud ko parhta hun chhor deta hun

ik waraq roz mor deta hun

is qadar zakhm hain nigahon mein

roz ik aina tor deta hun

main pujari baraste phulon ka

chhu ke shakhon ko chhor deta hun

tujh se rishta hai reshmi rishta

kachche dhage mein tor deta hun

kasa-e-shab mein khun suraj ka

qatra qatra nichor deta hun

kanpte hont bhigti palken

bat adhuri hi chhor deta hun

ret ke ghar bana bana ke faraz

jane kyun khud hi tor deta hun