درد خاموش رہا ٹوٹتی آواز رہی

درد خاموش رہا ٹوٹتی آواز رہی

میری ہر شام تری یاد کی ہم راز رہی

شہر میں جب بھی چلے ٹھنڈی ہوا کے جھونکے

تپتے صحرا کی طبیعت بڑی ناساز رہی

آئنے ٹوٹ گئے عکس کی سچائی پر

اور سچائی ہمیشہ کی طرح راز رہی

اک نئے موڑ پہ اس نے بھی مجھے چھوڑ دیا

جس کی آواز میں شامل مری آواز رہی

سنتا رہتا ہوں بزرگوں سے میں اکثر طاہرؔ

وہ سماعت ہی رہی اور نہ وہ آواز رہی

dard khamosh raha tutti awaz rahi

meri har sham tiri yad ki ham raz rahi

shahr mein jab bhi chale thandi hawa ke jhonke

tapte sahra ki tabiat bari nasaz rahi

aine tut gae aks ki sachchai par

aur sachchai hamesha ki tarah raz rahi

ik nae mor pe us ne bhi mujhe chhor diya

jis ki awaz mein shamil miri awaz rahi

sunta rahta hun buzurgon se main aksar tahir

wo samaat hi rahi aur na wo awaz rahi