چین دل کو نہ آئے گا کب تک

چین دل کو نہ آئے گا کب تک

وہ مجھے یوں ستائے گا کب تک

اے ستم گر ترے ستم آخر

کوئی بیکس اٹھائے گا کب تک

ظرف پر اپنے ناز ہے مجھ کو

آسماں تو ستائے گا کب تک

وہ رہے گا خفا اگر یوں ہی

کوئی آخر منائے گا کب تک

ہجر کا میرے ہم نشیں کوئی

ان کو قصہ سنائے گا کب تک

چھا چکی ہیں گھٹائیں اب ہر سو

ساقیا مے پلائے گا کب تک

شعلۂ عشق کیا خبر پیکاںؔ

میرے دل کو جلائے گا کب تک

chain dil ko na aega kab tak

wo mujhe yun sataega kab tak

ai sitam gar tire sitam akhir

koi bekas uthaega kab tak

zarf par apne naz hai mujh ko

asman to sataega kab tak

wo rahega khafa agar yun hi

koi akhir manaega kab tak

hijr ka mere ham nashin koi

un ko qissa sunaega kab tak

chha chuki hain ghataen ab har su

saqiya mai pilaega kab tak

shola-e-ishq kya khabar paikan

mere dil ko jalaega kab tak