چاہت مری مٹی میں عجب چھوڑ گیا ہے

چاہت مری مٹی میں عجب چھوڑ گیا ہے

دل جل کے بھی خاشاک طلب چھوڑ گیا ہے

جب چھوڑ گیا تھا تو کہاں چھوڑ گیا تھا

لوٹا ہے تو لگتا ہے کہ اب چھوڑ گیا ہے

میں تیرا پجاری تھا مگر اے مرے خورشید

تو ڈھل کے مرے شہر میں شب چھوڑ گیا ہے

پہنچا ہے مسیحائی کو اس رہ سے گزر کر

اس رہ کو مگر جان بہ لب چھوڑ گیا ہے

ہم لذت آشوب کے رسیا ترے غم دار

تو سینے میں جینے کا سبب چھوڑ گیا ہے

غم اس کی جدائی کا تجھے مار نہ ڈالے

اب تو بھی اسے چھوڑ وہ جب چھوڑ گیا ہے

دانستہ یہیں چھوڑ گیا ہے وہ مرا دل

جو اس کا تھا اسباب وہ سب چھوڑ گیا ہے

کچھ دن سے مرے دل میں عبادت کی طلب ہے

کچھ دن سے مجھے لگتا ہے رب چھوڑ گیا ہے

اک پھل کے روادار نہ تھے خلد بریں میں

دل تیری بہشتوں کی طلب چھوڑ گیا ہے

chahat miri mitti mein ajab chhor gaya hai

dil jal ke bhi khashak talab chhor gaya hai

jab chhor gaya tha to kahan chhor gaya tha

lauta hai to lagta hai ke ab chhor gaya hai

main tera pujari tha magar ai mire khurshid

tu dhal ke mire shahr mein shab chhor gaya hai

pahuncha hai masihai ko is rah se guzar kar

is rah ko magar jan ba lab chhor gaya hai

ham lazzat ashob ke rasiya tire gham dar

tu sine mein jine ka sabab chhor gaya hai

gham us ki judai ka tujhe mar na dale

ab tu bhi use chhor wo jab chhor gaya hai

danista yahin chhor gaya hai wo mira dil

jo us ka tha asbab wo sab chhor gaya hai

kuchh din se mire dil mein ibadat ki talab hai

kuchh din se mujhe lagta hai rab chhor gaya hai

ik phal ke rawadar na the khuld-e-barin mein

dil teri bahishton ki talab chhor gaya hai