چمن کی سیر بھی کافی رہی انا کے لیے

چمن کی سیر بھی کافی رہی انا کے لیے

صبا نے پھول کے بوسے مجھے دکھا کے لیے

خدا کی ناؤ میں پتوار رکھ دئے گئے ہیں

خود اک خدا کے لیے ایک ناخدا کے لیے

کسی نے وقت پہ رتبے لیے چلا کے ہوا

کسی نے وقت میں رتبے دیے جلا کے لیے

اس انبساط کا ہم کو ملا نہ عشر عشیر

مزے جو بچوں نے مٹی کے گھر بنا کے لیے

تمہاری آنکھیں جو دیکھیں تو یہ خیال آیا

کہیں تو کھڑکی کھلی ہے کوئی ہوا کے لیے

ہمارا رہن سہن ہی دعائیہ سا ہے

ہم اپنے ہاتھ اٹھاتے نہیں دعا کے لیے

نظام ظرف عجب فلسفے پہ چلتا ہے

جزا سزا کے لیے ہے سزا جزا کے لیے

جو پھول میں نے خریدے وہ اس کے ہاتھ میں ہیں

جو پھول اس نے لیے مجھ سے بھی چھپا کے لیے

chaman ki sair bhi kafi rahi ana ke liye

saba ne phul ke bose mujhe dikha ke liye

khuda ki nao mein patwar rakh diye gae hain

khud ik khuda ke liye ek nakhuda ke liye

kisi ne waqt pe rutbe liye chala ke hua

kisi ne waqt mein rutbe diye jala ke liye

is imbisat ka ham ko mila na ushar-e-ashir

maze jo bachchon ne mitti ke ghar bana ke liye

tumhari ankhen jo dekhen to ye khayal aya

kahin to khirki khuli hai koi hawa ke liye

hamara rahan sahan hi duaiyya sa hai

ham apne hath uthate nahin dua ke liye

nizam-e-zarf ajab falsafe pe chalta hai

jaza saza ke liye hai saza jaza ke liye

jo phul main ne kharide wo us ke hath mein hain

jo phul us ne liye mujh se bhi chhupa ke liye