ان کو دیکھا جو اک نظر ہم نے

ان کو دیکھا جو اک نظر ہم نے

دل سنبھالا کبھی جگر ہم نے

اک اشارے میں لے اڑے دل کو

تم سا دیکھا نہ فتنہ گر ہم نے

رات بھر ان کا انتظار کیا

تارے گن گن کے کی سحر ہم نے

اپنی تقدیر میں کہاں راحت

کبھی دیکھی نہ عمر بھر ہم نے

ان کی فرقت میں اپنے دامن کو

آنسوؤں سے کیا ہے تر ہم نے

جان سے اپنی ہاتھ دھو بیٹھے

پایا الفت کا یہ ثمر ہم نے

ان کی تصویر ہی سے اے پیکاںؔ

دل کو بہلایا رات بھر ہم نے

un ko dekha jo ik nazar ham ne

dil sambhala kabhi jigar ham ne

ik ishare mein le ure dil ko

tum sa dekha na fitna gar ham ne

rat bhar un ka intizar kiya

tare gin gin ke ki sahar ham ne

apni taqdir mein kahan rahat

kabhi dekhi na umr bhar ham ne

un ki furqat main apne daman ko

ansuon se kya hai tar ham ne

jan se apni hath dho baithe

paya ulfat ka ye samar ham ne

un ki taswir hi se ai paikan

dil ko bahlaya rat bhar ham ne