مرے واسطے وہ عدم ہوئے جو صف عدو سے نکل گئے

مرے واسطے وہ عدم ہوئے جو صف عدو سے نکل گئے

مری محفلوں سے نکل گئے مری گفتگو سے نکل گئے

وہ جو ایک پانی کی بوند تھی ترے بحر زہر میں ضم ہوئی

وہ جو قطرہ ہائے شراب تھے تری آب جو سے نکل گئے

جو مقام لا پہ کھڑے رہے صف سرخ رو میں کھڑے رہے

جو مقام لا سے نکل گئے صف سرخ رو سے نکل گئے

ترے رنگ و بو کو بھی دیکھتے نہ خیال تھا نہ مجال تھی

جو سکت ملی تجھے دیکھنے کی تو رنگ و بو سے نکل گئے

ہمیں صرف تیری تلاش تھی سفر آسماں کا کیا شروع

ابھی سنگ میل تھا ساتواں تری جستجو سے نکل گئے

تھے جو حکم سجدہ پہ معترض کہ شرار دہر کا ناز تھے

وہ فصیل وقت کو توڑ کر ترے کاخ و کو سے نکل گئے

mire waste wo adam hue jo saf-e-adu se nikal gae

miri mahfilon se nikal gae miri guftugu se nikal gae

wo jo ek pani ki bund thi tire bahr zahr mein zam hui

wo jo qatra ha-e-sharab the tiri ab ju se nikal gae

jo maqam la pe khare rahe saf-e-surkh ru mein khare rahe

jo maqam la se nikal gae saf-e-surkh ru se nikal gae

tire rang-o-bu ko bhi dekhte na khayal tha na majal thi

jo sakat mili tujhe dekhne ki to rang-o-bu se nikal gae

hamen sirf teri talash thi safar asman ka kiya shuru

abhi sang-e-mel tha satwan tiri justuju se nikal gae

the jo hukm sajda pe motariz ke sharar dahr ka naz the

wo fasil-e-waqt ko tor kar tire kakh-o-ko se nikal gae