جب تجھے منبر یاقوت کٹہرا ہوا تھا

جب تجھے منبر یاقوت کٹہرا ہوا تھا

میں سر عرش ترے سامنے ٹھہرا ہوا تھا

یوں ہی بے کار گئے سارے حکیموں کے علاج

زخم تفہیم خرافات سے گہرا ہوا تھا

تیری آواز قیامت میں بھی پہچان گیا

گو کہ میں صور سرافیل سے بہرا ہوا تھا

جو شجر سایۂ اشجار میں تھے جل گئے تھے

دھوپ سہہ سہہ کے مرا کھیت سنہرا ہوا تھا

آتش شوق تناسب میں اسی درجہ تھی تیز

جس قدر تیری ملاقات پہ پہرا ہوا تھا

jab tujhe mimbar-e-yaqut katahra hua tha

main sar-e-arsh tire samne thahra hua tha

yun hi be kar gae sare hakimon ke ilaj

zakhm tafhim khurafat se gahra hua tha

teri awaz qayamat mein bhi pahchan gaya

go ke main sur-e-sarafil se bahra hua tha

jo shajar saya-e-ashjar mein the jal gae the

dhup sah sah ke mira khet sunahra hua tha

atish-e-shauq tanasub mein isi darja thi tez

jis qadar teri mulaqat pe pahra hua tha