اب تو اسباب و علل سے مجھے برتر کر دے
Idris Azadاب تو اسباب و علل سے مجھے برتر کر دے
اس فریضے پہ فرشتوں کو مقرر کر دے
کھینچ کر حسن کے اندام سے زر بفت لباس
میت عشق کی عریانی پہ چادر کر دے
اس کو مل جائے مری ذات کی تخلیق کا لطف
میرے پارس کے لیے تو مجھے پتھر کر دے
خود سے آیا نہ گیا ہم کو بلایا سر عرش
اس پہ دعویٰ کہ غم عشق میں محشر کر دے
یا تسلسل سے نکل کر رخ تصویر میں آ
یا میری ذات کو تصویر سے باہر کر دے
وہ جفا پیشہ نہ کر پائے گا سر طور وجود
مشورہ ہے کہ ارادے کو مؤخر کر دے
ab to asbab-o-ilal se mujhe bartar kar de
is farize pe farishton ko muqarrar kar de
khinch kar husn ke andam se zar bafat libas
mayyat ishq ki uryani pe chadar kar de
us ko mil jae miri zat ki takhliq ka lutf
mere paras ke liye to mujhe patthar kar de
khud se aya na gaya ham ko bulaya sar-e-arsh
us pe daawa ke gham-e-ishq mein mahshar kar de
ya tasalsul se nikal kar rukh-e-taswir mein a
ya meri zat ko taswir se bahar kar de
wo jafa pesha na kar paega sar tur wajud
mashwara hai ke irade ko muakhkhir kar de