خدا پرست ملے اور نہ بت پرست ملے

خدا پرست ملے اور نہ بت پرست ملے

ملے جو لوگ وہ اپنے نشے میں مست ملے

کہیں خود اپنی درستی کا دکھ نہیں دیکھا

بہت جہاں کی درستی کے بندوبست ملے

کہیں تو خاک نشیں کچھ بلند بھی ہوں گے

ہزاروں اپنی بلندی میں کتنے پست ملے

یہ سہل فتح تو پھیکی سی لگ رہی ہے مجھے

کسی عظیم مہم میں کبھی شکست ملے

یہ شاخ گل کی لچک بھی پیام رکھتی ہے

بسان تیغ تھے جو ہم کو حق پرست ملے

سنا ہے چند تہی دامنوں میں ظرف تو تھا

سرورؔ ہم کو تونگر بھی تنگ دست ملے

khuda parast mile aur na but parast mile

mile jo log wo apne nashe mein mast mile

kahin khud apni durusti ka dukh nahin dekha

bahut jahan ki durusti ke bandobast mile

kahin to khak nashin kuchh buland bhi honge

hazaron apni bulandi mein kitne past mile

ye sahl fath to phiki si lag rahi hai mujhe

kisi azim muhim mein kabhi shikast mile

ye shakh-e-gul ki lachak bhi payam rakhti hai

basan-e-tegh the jo ham ko haq parast mile

suna hai chand tahi damanon mein zarf to tha

surur ham ko tawangar bhi tang dast mile