کچھ لوگ تغیر سے ابھی کانپ رہے ہیں

کچھ لوگ تغیر سے ابھی کانپ رہے ہیں

ہم ساتھ چلے تو ہیں مگر ہانپ رہے ہیں

نعروں سے سیاست کی حقیقت نہیں چھپتی

عریاں ہے بدن لاکھ اسے ڈھانپ رہے ہیں

کیا بات ہے شہروں میں سمٹ آئے ہیں سارے

جنگل میں تو گنتی کے ہی کچھ سانپ رہے ہیں

مکڑی کہیں مکھی کو گرفتار نہ کر لے

وہ شوخ نگاہوں سے مجھے بھانپ رہے ہیں

یہ جھوٹ ہے یا سچ ہے سمجھ میں نہیں آتا

سچ بولنے میں ہونٹ مرے کانپ رہے ہیں

kuchh log taghayyur se abhi kanp rahe hain

ham sath chale to hain magar hanp rahe hain

naaron se siyasat ki haqiqat nahin chhupti

uryan hai badan lakh use dhanp rahe hain

kya bat hai shahron mein simat ae hain sare

jangal mein to ginti ke hi kuchh sanp rahe hain

makri kahin makkhi ko giraftar na kar le

wo shokh nigahon se mujhe bhanp rahe hain

ye jhut hai ya sach hai samajh mein nahin ata

sach bolne mein hont mire kanp rahe hain