دل دادگان لذت ایجاد کیا کریں

دل دادگان لذت ایجاد کیا کریں

سیلاب اشک و آہ پہ بنیاد کیا کریں

کرنا ہے بن کو تازہ نہالوں کی دیکھ بھال

بیتی ہوئی بہار کو وہ یاد کیا کریں

ہاں جان کر امید کی مدھم رکھی ہے لو

اب اور پاس خاطر ناشاد کیا کریں

سنگیں حقیقتوں سے کہاں تک ملول ہوں

رعنائی خیال کو برباد کیا کریں

دیکھو جسے لیے ہے وہ زخموں کی کائنات

ہم ایک اپنے زخم پہ فریاد کیا کریں

رندوں کی آرزو کا تلاطم کہاں سے لائیں

آسودگان مسند ارشاد کیا کریں

کس کو نہیں سکون کی خواہش جہان میں

افتادگان رہ گزر باد کیا کریں

جو ہر نظر میں تازہ کریں میکدے ہزار

سچ ہے سرورؔ رفتہ کو وہ یاد کیا کریں

dil dadgan-e-lazzat-e-ijad kya karen

sailab ashk-o-ah pe buniyad kya karen

karna hai ban ko taza nihalon ki dekh bhal

biti hui bahar ko wo yad kya karen

han jan kar umid ki maddham rakhi hai lo

ab aur pas-e-khatir-e-nashad kya karen

sangin haqiqaton se kahan tak malul hun

raanai-e-khayal ko barbad kya karen

dekho jise liye hai wo zakhmon ki kainat

ham ek apne zakhm pe fariyad kya karen

rindon ki arzu ka talatum kahan se laen

asudagan-e-masnad-e-irshad kya karen

kis ko nahin sukun ki khwahish jahan mein

uftadagan rah guzar bad kya karen

jo har nazar mein taza karen maikade hazar

sach hai surur-e-rafta ko wo yad kya karen